केन्द्र सरकार लगानी छर्दै, स्थानीय सरकार गुनासो गर्दै

१६ असोज, वीरगञ्ज । काठमाडौंसँग गुनासाको भारी काँधमा बोकेर बसेको छ वीरगञ्ज । देशकै धेरै राजश्व संकलनको केन्द्र भएर पनि केन्द्रले उपेक्षा गरिरहेको गुनासो शहरवासीले गर्ने गरेका छन् ।

केही समयअघि अर्थमन्त्री युवराज खतिवडाले सार्वजनिक समारोहमै वीरगञ्जजस्ता नाका रहेका शहरमा ठूला पूर्वाधारमा लगानी बढाउने बताएका थिए । सवारीको चापका कारण स्थानीय क्षेत्रमा परेका असरहरु कम गर्ने गरी पूर्वाधार विस्तार गर्ने उनको प्रतिवद्धता थियो ।

तर, स्थानीय स्तरमा भने संघीय सरकारले राजश्व उठाएर मात्रै लैजाने तर विकासमा लगानी नगर्ने गरेको आवाज सुनिन्छ । के साँच्चै वीरगञ्जका लागि केही भएको छैन त ? सरकारी अधिकारीहरु यो स्वीकार गर्दैनन् ।

वीरगञ्ज भन्सार कार्यालयका प्रमुख श्यामप्रसाद भण्डारी सरकारले विस्तारै वीरगञ्जलक्षित ठूला पूर्वाधारमा लगानी बढाएको बताउँछन् । वीरगञ्जको सम्भावनालाई देखेरै एकीकृत जाँच चौकीसहित विभिन्न पूर्वाधारमा लगानी गरिएको उनले जानकारी दिए ।

सरकारले वीरगञ्जलाई नै लक्षित गरेर केही ठूला पूर्वाधारहरुको निर्माण गरिरहेको छ भने केही योजना कार्यान्वयनमा छन् । सरकारले प्रमुख भन्सार नाका वीरगञ्जलाई सबैभन्दा महत्व दिएको पूर्वाधार हो, यातायात । अहिले वीरगञ्जका सडक फराकिलो बनाउने योजनामा धमाधम काम भइरहेको छ ।

Source Online Khabar

Leave a Reply

Your email address will not be published. Required fields are marked *